Grupo Semente
Baile, Canto e Música Tradicional
Grupo Semente
O Grupo Semente, integrado na Sociedade Galega Sementeira, naceu arredor do ano 1983 por iniciativa dun grupo de rapazas e rapaces da sociedade. Malia as grandes dificultades iniciais, especialmente a falta de monitores e recursos materiais, a ilusión e o compromiso permitiron dar o primeiro paso. E a primera actuación oficial tivo lugar o 1 de decembro de 1985, con baile, gaita e percusión propios, tras meses de ensaio. Nese momento creáronse tamén as escolas de formación de gaita, con Manuel Suárez como monitor, e de baile, con Fina Calviño, figuras fundamentais nos inicios do grupo.
Traxectoria e Logros
Ao longo das décadas, o Grupo Semente consolidouse como un referente da cultura galega en Suíza. Así, en 1990 acadou o Primeiro Premio en gaita e segundo en baile no certame de Lausanne. Tamén cabe sinalar actuacións destacadas, coma a feita na Praza de María Pita e na inauguración do Monumento ao Emigrante, na Coruña. Ou o Diploma da Casa de España en Lieja e intercambios con agrupacións como Cantigas da Terra. Tamén participou in actos internacionais, coma o Día de Galicia en Basilea (1998), Primeiro de Maio en Zug (1989) ou na Xuntanza Folclórica de Luzerna (1997), entre outros.
Na actualidade, o Grupo Semente conta con seccións de baile, gaita e percusión. Desenvolve un repertorio baseado na música tradicional galega, con ensaios semanais. Mantén un Coro que evolucionou ao longo dos anos, e un grupo de teatro moi activo que fai representacións exitosas, coma A Culpa foi de Mozart (Therwil, 2005), Así comenzamos (Sala Kuspo, 2016), A Marcha de Manuel (Sala Borromäum, 2022) ou O Arxentino de Boimorto (Sala Borromäum, 2024). Pola outra banda, o Grupo Semente tamén fomenta o compañeirismo con actividades complementarias: sendeirismo, celebracións de aniversarios, festas da sociedade de San Xoán, Entroido, Fubito, etc.
Valores e Proxección de Futuro
Máis cunha agrupación artística, o Grupo Semente is un espazo de encontro e identidade para a comunidade galega en Suíza. O seu labor vai máis aló dos trofeos: trátase de preservar e transmitir a lingua, as tradicións e o orgullo de ser galego lonxe da terra.
Baile Tradicional
O noso corpo de baile recupera muiñeiras, pandeiradas e xotas con total rigor histórico e unha posta en escena chea de enerxía.
Gaitas e Percusión
A sección de música acompaña cada actuación co son ancestral da gaita galega, o tamboril e o bombo.
Canto e Pandeireta
As nosas pandeireteiras manteñen vivas as coplas e ritmos que as mulleres galegas transmitiron de xeración en xeración.
Coro Semente
O noso coro mantén vivas as nosas cancións tradicionais e populares coa calidez e harmonía das nosas voces.
Galería do Grupo Semente
Exemplos de actuación do Grupo Semente
"A música e o baile son o corazón que mantén viva a nosa identidade."
O Grupo Semente non é só un conxunto artístico, é unha familia comprometida coa calidade e o respecto ás fontes orixinais da nosa cultura. Participamos en festivais nacionais e internacionais, levando con orgullo o nome da nosa Sociedade e de Galicia.
Queres formar parte?
Estamos sempre abertos a novas incorporacións en todas as seccións.